बौद्ध विहार सङ्घ ललितपुरको नयाँ नेतृत्व चयन

पाटन । बौद्ध विहार सङ्घ ललितपुरको ४९ औँ साधारणसभाबाट नयाँ सञ्चालक समिति चयन भएको छ । आज सम्पन्न साधारणसभाले रत्नाकर महाविहारका प्रतिनिधि करुणा रत्न बज्राचार्यको अध्यक्षतामा सञ्चालक समिति चयन गरेको निर्वाचन अधिकृत पुष्परत्न शाक्यले जानकारी दिए ।

निर्वाचन अधिकृत शाक्यले दिएको जानकारीअनुसार उपाध्यक्ष पदमा मणिमण्डप महाविहारका पुष्प शाक्य, मयूरवर्ण महाविहारका सुरेन्द्र बज्राचार्य, हिरण्यवर्ण महाविहारका राजु बज्राचार्य र दत्तनाम महाविहारका अमोघबज्र बज्राचार्य निर्विरोध निर्वाचित भएका हुन् ।